Қазақтың ұлы ақыны Мағжан Жұмабаевтың ескерткіші Қазақстан Республикасының Конституциясы күні – 2012 жылғы 30 тамызда Петропавл Вокзал маңы алаңында ашылды. Салтанатты рәсімге облыс әкімі Серік Біләлов, ақынның туыстары, өңірдің зиялы қауым және қоғамдық бірлестіктерінің өкілдері, Қазақстан Жазушылар одағының мүшесі Мүталлап Қанғожин қатысты.
Ескерткіштің авторы Қазбек Сатыбалдин. Ол ақынды «академиялық» қалыпта сол қолының алақанындағы өлең томымен суреттеді.